~ 想象一下 ~
识画画嘅女仔唔错吧
钟意小动物嘅女仔够可爱啦
玩真人CS嘅女仔好鬼型啵
整军模嘅女仔又好犀利惹
如果4样野集合喺同一个人身上
係咪好吸引哩
今日我地要介绍嘅
就係一位咁吸引嘅女模友——璐璐
璐璐从今年3月开始正式加入玩军模嘅大部队,不过第一次接触军模係15年嘅时候,当年体验式咁做过一只AS90,之后就一直荒废到依家先正式开始做模型。
/ 初体验嘅AS90 /
女仔嘛,基本上都钟意做手工,加上之前喺军事类自媒体公司翻工,兼且长期受军迷男朋友嘅影响,所以开始对军模产生兴趣。
/ 璐璐最爱——山猫 /
做开模型都知呢个过程真係比较枯燥,所以璐璐干脆就开咗直播间,一边做模型一边同啲有同样爱好嘅人倾计解闷。
/ 直播间日常 /
喺直播嘅过程当中都有识到唔少朋友,除咗日常随便倾计之外,都会互相交流下小技巧分享下经验,部分热心粉丝仲会送一啲自己钟意嘅板件畀璐璐要求直播加料。
由于依家有大把时间可以研究军模,璐璐周一到周六都会直播模型进度,周日就会外出同小伙伴聚会一起做模型。
/ 最近填紧坑嘅梅卡瓦 /
为咗对得住观众老爷嘅眼球,璐璐会做好多工作去提高自己嘅水平,睇相关视频同埋军模类教学书就係唔错嘅途径,除咗呢个之外,璐璐做模型嘅时候会尝试下自己新学嘅技法同埋高手指点之后获得嘅新谂法。
/ 虎式 /
做模型之外嘅时间,璐璐都会去睇下军事展览,参加下一啲技法交流学习会。
沉迷真人CS
又会尝试下cosplay
钟意,就自然想多啲接触多啲了解,虽然目前知识库储存量有限,不过都希望之后会成为一个军事迷老玩家。
/ 日常开坑 /
喺学习嘅过程中,璐璐觉得大部分军事类书嘅风格都偏向严肃枯燥,或者会罗列好多数据出嚟,唔係追开呢样野嘅好难睇得明,所以璐璐决定将自己嘅专业特长喺呢方面发挥出嚟。
璐璐同佢男朋友都係画画嘅专业人士,所以谋划紧今年11月出版一本军事类漫画,内容主要係讲解轻步兵战术,包括巷战、堑壕战、丛林战、CQB等,用一种活泼搞笑嘅方式去呈现,咁样就算唔係军迷,都有心机睇落去,够晒通俗易懂。
/ 虎王 /
/ 革命豹 /
虽然开始时间唔长,但係一眼望到你,我就想同你过埋下半世。
做模型喺璐璐心目中就係一个会坚持长久做落去嘅爱好。
/ 部分作品合照 /
钟意枪同坦克嘅女仔
你又钟唔钟意?
想要同璐璐互动交流嘅
可以喺周一到周六晚
去斗鱼直播间“璐璐养了个小贱喵”
(num:2008173)
人物寄语
“想进步快都係要有高手带。”
“最好多啲掌握唔同嘅技法,再针对唔同嘅板件灵活运用。”
“做模型係一个长久嘅爱好,会坚持一直做。” |