2016-08-20 细细粒 原点模型
Bandai旗下最热门嘅产品之一「METAL BUILD」又推新嘢啦!今次系继异端高达红色机、异端高达金色机天蜜娜之后,推出嘅最新产品——「METAL BUILD」异端高达蓝色机
从Bandai官网新开嘅特别页面中我地可以睇到,今次登场嘅异端高达蓝色机采用左漫画中曾经出现过嘅全武装模式。
除左异端高达系列嘅标准配备光束军刀、光束来复枪同埋抗光束盾牌之外,同时仲搭载住大量嘅实弹武器,包括"M68猫式500mm无后座力砲"、"M68 豹式3连装短距离诱导弹发射筒"、"8连装短距离诱导弹发射筒"等等基恩同巴库嘅武装。
搭配原创嘅武器支架,上述武器可以全部挂系机身上,成为全新嘅全副武装型态,重量感肯定超级壮观啊!
睇翻机体涂装方面,「METAL BUILD 异端高达蓝色机」采用左两种蓝色。金属材质上用嘅系充满光泽嘅电镀蓝,塑胶材质嘅涂装就用深蓝色,细腻嘅分色大大提升左机械嘅美感,展现出异端高达有如人体肌肉嘅“外露骨架”特色。
「METAL BUILD 异端高达蓝色机」参考售价 系24,840日元,身高大概系 170mm,预计今年12月发售。 对比翻前两只机体,今次呢只异端高达蓝色机可谓诚意十足,一次就俾左大量武装俾大家。
下面我地黎翻个冇奖投票 你会唔会买呢只异端高达蓝色机呢?(单选)
- 1、买!壕不犹豫买买买!
- 2、唔买!冇兴趣!
- 3、心大心细,都系睇定啲先!
|