2017-01-09 抽爷 原点模型
上周五,有支神秘嘅军事力量潜入中华广场,连续3日搞咗场大show,话要同普罗大众普及下军事知识,佢地就喺广州模型群啦。今次佢地联同越秀区大东街道办事处武装部以及其他承办单位一齐,喺中华广场负一层搞咗个军事模型文化公益展览活动。
现场摆咗唔少广州模型群群友嘅得意作品,仲有由小号手提供嘅国内外军事装备模型,包括我国嘅海军航空母舰辽宁号、我国海军导弹驱逐舰宁波号、我国歼-10B战斗机、德国潜艇、美国M-ATV防地雷反伏击车等等涵盖晒海陆空,包大家一次睇到够。
▲ 美国F-105D“雷公”、A-7D“海盗”Ⅱ型 ▲ 今次活动吸引咗唔少军事爱好者,就连好多行过路过嘅路人都走嚟望下,摞住手机影冇停,啱晒今次活动嘅目的,做到提高大家对国防军事嘅认识同埋等更多人去接触到模型制作嘅艺术。
除咗吸引到大朋友,仲有唔少小朋友都嚟凑热闹,睇到眼定定入晒迷。活动方仲专登提供免费模型畀小朋友现场试手,鼓励小朋友自己喐手做。军事教育从细抓起,模型兴趣从细培养,话唔定经过哩次活动,广州军事模型哩个圈子又会多佐几个小迷弟。
每个模型背后都有一段故,啲模友喺现场仲会同大家分享下自己作品嘅背景故事同埋制作心得,现场个个模友都喺军事通,如果你有疑问,佢地都会热情解答,分分钟变身讲故佬。
现场仲准备咗部分成品模型同拼装模型进行抽奖,等大家有更多嘅机会可以同模型嚟个亲密接触,主办方认为,派出嘅每一件奖品都喺培养模型爱好者嘅种子,希望模型嘅魅力可以喺大家心底发芽成长,发展成兴趣。 ↓↓现场部分展品↓↓
▲ F/A-18战斗机 ▲
▲ A-7D攻击机 ▲
▲ 德国BR-52型蒸汽车、德军攻城炮 ▲
▲ 中国陆东风猛士越野车 ▲
原点喺度再剧透一下,广州模型群计划喺今年5月再搞一场军事模型展览同埋现场制作模型比赛,如果你都对军模感兴趣,一定要锁定原点嘅报道!
最后睇下模友JJ陈现场解说视频过下瘾,建议大家有冇WiFi都唔好错过咯~▼
本文为原创文章,如需转载请先与本公众号联系。 文字编写:抽爷 图片编辑:wewe
|