本帖最后由 原点模型 于 2016-10-23 00:47 编辑
2016-10-21 抽爷 原点模型
边个话行外人就唔明艺术？
民间有高手，佢噶作品，靓到称之为艺术品都不为过。 今期，原点带你走近艺术，一齐了解下哩位神秘低调噶人物模型涂装大神——陈志安
安仔小学噶时候就开始接触模型，当时广州时兴玩模型，好多学校隔离噶士多门口，都会挂住成串噶模型嚟卖，咁噶环境底下安仔理所当然就加入玩胶噶大部队。不过后尾冇人陪佢玩，而且又要专注学业，所以安仔都一度弃坑。 后来，安仔开始参加工作，佢同模型噶缘分先真正开始。
系一个偶然噶机会下，安仔系模型店见到一套二战德军坦克，成套模型噶制作、喷漆、旧化效果，带比安仔好震撼噶感觉，就好似黑夜中突然亮起噶一盏灯。如果话以往童年对模型系喜爱，呢家就系彻底爱上佐佢。 之后安仔就开始做军模，不过前期最爱都系坦克，仲系2006年参加广州模型大赛罗佐现场制作组第一名。
▲ 安仔军模作品—sdkfz.11 ▲
做场景噶时候会涉及到人像处理，安仔就学埋人物噶技法。后尾去佐香港睇到更多高水平噶人像参赛作品，成个作品所呈现出嚟噶艺术感，令到安仔不由自主想去了解更多，不断学习新噶技法，越系深入了解，就越系中意，从此打开新世界噶大门。
▲ 安仔人物作品—渔翁▲
▲ 安仔人物作品—ORC▲ 近哩两三年安仔开始专注做人像，作品除左有形象硬朗噶兵人外，都有唔少造型特别、色彩斑斓噶古风人像。每做一个作品，安仔都会去了解背景历史，再根据相关信息进行合理噶涂装。 用心投入就肯定会有回报，安仔参加比赛都有获得出色噶成绩。
▲ 2013年香港比例模型公开赛总冠军，人物组冠军：甄嬛 ▲
▲ 2014年香港比例模型公开赛人物组亚军、2015年龙绘中国微缩模型涂装大赛大比例组冠军：日本薙刀武士 ▲
▲ 2015年香港比例模型公开赛人物组冠军：二战德军 ▲
▲2015年龙绘中国微缩模型涂装大赛胸像组冠军：凯撒大帝▲ 支持安仔坚持做模型噶，仲有一班志同道合噶朋友，大家会定期交流D新噶技法，又会分享自己作品背后噶故事，相互学习一齐提高。
▲ 现场示范人物上色，包括脸部配色、阴影、高光 ▲ 人物模型涂装需要制作者付出好多时间精力同耐性，好多人觉得花咁多时间坐定定系度实在系太枯燥，但系安仔就觉得自己十分享受哩个过程，可以静静地，感受微缩模型世界噶精彩。 十年时光，唯爱不变。
人物寄语： “模型都系要一班人一齐玩先够意思” “做模型系其他人眼中比较枯燥，但系我自己就好享受制作过程”
“每做完一个模型会松一口气噶同时又觉得开心，因为可以开始做另一个模型”
本文为原创文章，如需转载请先与本公众号联系。
文字：抽爷 图片：C草 部分图片由安仔提供
| 
|手机版|Archiver|时空模型后院
( 渝ICP备13005176号-2 )
窥视卡
雷达卡
发表于 2016-10-23 00:41:31
提升卡
置顶卡
沉默卡
喧嚣卡
变色卡
千斤顶
显身卡
楼主
发表于 2016-10-26 11:31:35
